2010/7/12
家姐,養足精神,明天就是你和小虎女的大日子了! 原來家就是這個意思,親情建立了就是建立了。
2010/5/18
十萬年無睇過香港既電視,點知……先唔好講比dCCTVB既低B反智劇集激死,最火滾係見到幾次個政府宣傳政改既廣告!妖,你自己有錢有權,就可以SELL你果套,咁點解宣傳公投既片從未係電視播過呀,妖,我睇到好火呀。查實火,係因為公投結果令我有好多感觸,一發不可收拾。我同老公講:”好火呀,你都係申請美國綠卡啦,我地移民啦!”但其實識我既人都知我根本就唔鍾意美國,我係無可能會移民去美國架。個死人老公就係度叫我POST呢句說話去FB,妖,喂呀,你明知我講緊反話架嘛,你仲激我,火上加油:”哼!憎死個政府,我決定唔沖涼,唔刷牙!”(老公岩岩沖完涼,刷緊牙。)”咦,好喎!你就公民抗命,唔刷牙唔沖涼,直至有真普選啦!”佢開始HIGH左:”其實唔好話50萬人咁樣公民抗命法,有5萬人日日唔沖涼唔刷牙,個政府都死。”嘩,宋生把口做乜突然咁強呀!既然係咁,我去沖涼先啦~ p.s.本來諗住今次神秘回港,不過呢幾日係香港既生活令我有太多感受啦,唔再講下廢話我就黎爆。朋友仔,今次回港我沒空見任何人,有事忙,請諒。
2010/4/29
Women’s weekend是教會一年一度的活動。話說這教會沒有一般香港教會必備的團契呀小組呀,人和人之間的關係比較自然和隨心。營會有54人,但我只認識其中一兩個,而且完全不熟。最初的確有點孤單和不習慣,不過慢慢就好起來了,開始放鬆、投入。這是我第一次經驗在一個白人群體、在一個年齡層跟我完全不同的女人堆裡生活是怎樣的一回事。我的發現:感覺很不錯啊! 相簿:http://www.facebook.com/album.php?aid=205023&id=604056078&l=1ccd4ccc97
2010/4/22
4/4 back home la~ 4/5 忘記背後,努力面前,向著標杆直跑。 4/7 真係好耐無jet lag得咁辛苦,仲慘過病……仲以為自己已經係適應jet lag既高手,哈,太自大了~ 4/10 去stanford既arts museum睇中國水墨畫,又一次有被d藝術作品融掉既感覺,非常幸福啊!鍾意藝術,鍾意文學,就係因為只有佢地令我體驗到乜野叫忘我。當忘記了自己,只是被唯美的作品所包圍,果種快樂、安全、充實、滿足,難以言喻。^.^ 4/11 今次返香港可以同大家一齊參加校祖日崇拜,真係好開心。我想以後每年都盡量參加呢個崇拜,作為我人生日誌中固定去數算恩典、回歸、展望的日子。我仲想第日帶埋tony同我既仔仔女女參加呢個每年一次既崇拜,同他們一起分享我生命中最大的喜悅同祝福。 4/11 Time flies. We have joined St Jude’s for one year! One year ago, I brought a load of doubts and fears to go back to church again. I am so thankful that all my doubts and fears don’t block me to follow Jesus today, though they are still here, I find that they are the greatest gifts in my spiritual journey. It’s a long long journey…… 4/12 謝謝你們願意交出信任。 4/14 琴晚一口氣睇完《我的16歲援交日記》,爽! 4/15 呢幾個月讀唔成Spanish,要重新好好計劃生活。 4/20 剛和宋先生從大峽谷回來,流下了汗水和感情在山谷中,很幸福。旅程的第一天,家裡發了一些事。前面有不少挑戰,但也是一個機會讓我們全家一起去面對它們,讓新的經歷洗刷我們的記憶,令我們走得更近,更踏實,更有信心。我們要加油啊! 4/20 家門前的枯樹終於開始發芽了! 4/21 一張靚靚的從布拉格寄來的postcard已經被宋先生貼了堂!哈哈! 4/21 “人可以從錯誤中學習,但不能避免犯錯。“ NOW 我決定當自己從來無學過英文同無讀過中文系。
2010/3/24
琴日精神上好攰好攰,攰到好想死,唔係講笑果種想死,係真係覺得無乜求生意志。我係度想像我最想見既人出現係我面前,但我都係無興趣見佢,我就知道我真係攰到癲左。又一次覺得,寧願徹底係人群中永遠消失。岩岩去美國,經常摺埋唔想見人,就係因為呢種攰到想死既感覺揮之不去。 今次回港我好難得咁好有系統咁安排時間表。頭先再翻睇過去10日既時間表,我係果d會令我情緒波動既約會旁邊寫個攰字,我發現我寫左7個攰,另外仲有3單空氣傳波既累人事件,即係加埋一共有10個攰。唉,唔怪得琴日會攰成咁啦。不過呢,我又發現10個攰入面,有7個攰我會用值得去形容,簡單黎講,即係果7個攰係有意義既攰。不過其實咪就係有太多有意義既野密集式咁發生,所以吃不消囉,唉……反而有一樣野,我唔知我應唔應該怪自己。我一直都覺架啦,今次回港有好多突發既野,咁我就又係d攰既約會/事件搵出d突發野出黎,嘩,竟然10個攰有6個係突發架!不過咁樣諗諗下又覺得唔對路,其實邊有咁Q多突發事件,好明顯係我既預報系統出左D事。最後我既結論係,6個突發入面,有4個係主觀地以為係突發(潛台詞即係好唔突發,唔知點解會預計唔到),有1個就真係好客觀係突發,有1個就界乎係預計內同預計外之間啦。 寫到呢度,我覺得自己好勁,竟然會寫左篇咁既野,我痴得好徹底呀……但我鍾意,吹咩?呢篇文無聊得好有意義,你唔覺咩?
2010/3/18
突然發現現在過的生活跟大學生活好似: 1. 學下d新知識,關心下呢個世界發生既事, 學做知識分子。 2. 同一班朋友好close,一齊談理想、面對情緒困擾、間唔中一齊傷春悲秋一番。。 3. 經常自己煮飯食。 4. 做義工,好似當年上莊咁,搏的時候比打工時更搏,樂在其中,為理想而活。 5. 同家人有physical的距離,但心靈比以前接近了,相處得輕鬆了。 6. 無乜經濟上的掙扎。 7. 以前經常關中,遊走於中港兩地,認識文化差異。現在就遊走港美兩地。 8. 在網上世界好活躍,以前在大學團契也是這樣,狂出post講廢話,最愛在forum上同大家鬥咀。 嘩!原來我已活在我的dream life好一段日子了,好幸福呀! p.s. 唔好意思,又唔小心曬左少少。
2010/3/17
口花花的我,見到執房的是靚女(真係好少有架,竟然靚過我。),當然忍不住口要跟她吹吹水。阿儀是新移民。呵呵,這身份真親切,我也是新移民啊,美國的新移民。 “離了家,親人朋友不在身邊,一定不習慣,感到孤單吧。“一說到離鄉別井的話題,大家很快就有共鳴了。 “美國的物價是否很高?” “你還這麼年青,就放棄事業了嗎?” 她執拾完畢後,主動問我:”太太,怎樣稱呼?” 今晚有朋友來,我請阿儀替我多拿幾張椅子。阿儀拿椅子入屋時,望著我說:”阿茵,給你的。”嘩嘩嘩,佢真係叫我阿茵呀,好有FEEL呀!佢肯咁叫,即係當我係friend啦!great!(ok,我知道我可能係過份詮譯,但我鍾意發姣,唔得咩?)我馬上回了一句:”多謝阿儀。“加送一個四萬咁口既笑容。其實”阿茵”是湊大我的婆婆從小對我的暱稱呢。呵,我唔係比個個人咁叫我架。不過唔知點解,你比我既感覺好親切呢! 美國的生活其中一個令我深刻的體驗,就是當地的藍領階層都活得很有尊嚴,很自信。我相遇過的所有清潔工人、裝修工人、搬運工人,都從不會在客人面前表現得低聲下氣,大都是有說有笑,ok幽默。不過呢,今日同阿儀對話,佢就重複過幾次講自己無用呀,唔夠叻啊之類之類。這相信是不少香港新移民或低下階層對自己的看法吧。 呵呵,不過在美國,我看見另一個可能性。so, 阿儀,我當然唔會睇少你,但係亦唔會當你好慘,我地既關係好平等,i am阿茵,you are阿儀,that’s all!
撞到你,嚇到半死。有緣有緣,哈哈。 昨天自己自然真率,沒有造作掩飾,有點意料之外。 意料之外的好。這場突擊測驗,表現不錯啊。值得感恩。 不過計劃還是會繼續吧,特別回美之後。 謝謝你一直的諒解支持。 仍然期待計劃完結之日。非常期待。 從生存到生活……是的,我會好好生活。 祝好。
2010/2/10
正在看劉若英的書,她說到她的初戀。 在回憶的當兒很想對他說幾句話。 謝謝他豐富了我年少的空虛歲月;謝謝他竟然沒有嫌棄我好像八兩金的土爆髮型。 因為有這段美好的時光,家庭的苦難不是我少女時期的唯一記憶。 最後,送這首歌給過去的我們。 p.s. 我和他已失去聯絡很久了。這番感謝的話,應該是沒機會跟他說了。不打緊。衷心祝福他現在一切安好,幸福快樂。
2010/2/1
終於到二月了。雖然名實往往未必能相符,但一個新的月份,總令人有多少盼望和期待。二月一日的來臨,好像遠比我想像中來到遲,但當我覺得我永遠不會等到這天時,它就來了。
本站使用 WordPress 架設 Entries (RSS 2.0) Comments (RSS 2.0) 本站內的所有原創內容均按照「創用‧姓名標示」條款授權公眾使用。詳情請參閱條款說明。 |