睇黎行緊桃花運，哈哈哈哈！岩岩晨運，兩個男仔同我say hi，咁呢d係美國人既正常社交禮儀，我好自然咁回應佢地啦。估唔到五分鐘後，其中一個再出現係我眼前，佢足足追左我兩條街，哈哈！同佢傾歇傾左兩條街，跟住我扮野搵藉口閃人，臨走時佢仲不斷強調想約我食飯睇戲，哈哈~~~可惜佢唔算靚仔，又矮過我，我對佢無乜feel，不過吹水吹得幾開心，多謝佢令我今日有咁好既開始。原來，我仲幾有魅力既！唔錯唔錯！

拾到一箱美鈔。他興奮莫名，打開箱子，把鈔票一張張鋪在地上。鋪滿了三個球場。

餓了。他隨手把六七張美鈔塞進口中。不知從哪裡弄來一個盤子。他用口水洗刷鈔票，吐出一口墨汁。重覆。他要把鈔票弄得白白淨淨的。吐出鈔票一看，不夠白。再重覆。直到鈔票幾乎溶化，就把它們吞到肚裡。再吃新的鈔票。

他說吃得夠飽了。明天再續。他說這盤墨汁是寶貝，要留來養魚。就泥猛吧，粗生粗養，好味，他最愛。

然後，他命令：”我要泥猛。”果然就有了。他興奮極了！”哥兒們，拿酒來，我們來燒泥猛吃個痛快吧。”他大喊。

球場空無一人。

“哥們兒！哥們兒！”他繼續大喊。當然，除了自己的回音，不會得到其他回應。

眼淚開始嘩啦嘩啦滾下，他憤怒極了。哼！我有酒！我這就來喝！然後大口大口喝了一盤墨汁。What? What am I doing? 我竟然喝了我最愛的寶貝，以後我拿什麼來養魚？魚？泥猛？剛才的泥猛去了哪？

在混混沌沌之中，他睡著了。

醒來，看見球場上的美鈔。他笑了。還好，今天可以重新開始。

我地係屋苑停車場行緊返屋企。宋先生無端端係我耳邊大聲「嘩！」，然後指住泳池果邊。

原來有一對鴛鴦飛左入黎。我答佢：「佢地當左呢度係公園喎！點解佢地企係泳池邊架？做乜唔落水游呀。」我望住對雀仔望得好入神，好興奮，諗緊有無方法令佢地跌落個泳池度――反正個泳池長年累月都無乜住客游水。

突然有隻手攬住我，好似同我好親密咁：「點解d野一對對咁得意架呢？佢地又一對對，我地又一對對。一對對d野好得意喎！」我覺得有d格格不入，但又唔想推開隻手，就係度冷笑：「係，一對對既野真係好得意喎！你對拖鞋好得意呀！」宋先生比人寸到應，唯有施展暴力：「屌你！」

終於行到屋企門口，佢一手攞住對拖鞋想掟我！！好暴力呀！

你會自由，當你學懂去為自己的(不)快樂負責任(而不是等別人令你快樂)。

你會自由，當你願意把面子及面具都放下。

你會自由，當你學懂投降和放手。

你會自由，當你學懂愛自己。

誠實地生活，誠實地面對人生的限制和痛苦，不存在幻想，不自欺欺人，承認自己的慾望和需要，不去否定，也不去放縱，適當地讓自己的慾望和需要得到滿足，做一些會讓自己快樂的事，跟接納自己明白自己的人多聚一刻，珍惜和保護你所愛的人。

一切終於可以重新開始。

做一個平凡人，過平常日子。

頭先去華人超市買菜，我令到個切肉既墨西哥靚仔笑死左！我都笑死左！咁就有兩個人死左啦，哇哈哈。

咁排我前面既女仔好煩，佢只係買兩隻細雞脾(你需要知道呢度係美國，一次過買十隻八隻先叫正常！買兩個算買得超少！)，咁墨西哥靚仔係雞脾堆度揀雞脾啦，個麻麻煩煩既姐姐仔呢隻又話唔好，果隻又話唔好，不過阿靚仔好有耐性，我好欣賞佢。終於都揀完兩隻細雞脾。原來呢，有骨既肉就可以要求切架喎。我係度買左一年幾菜，都係呢刻先知。麻麻煩煩小姐繼續發揮中國人既嫌尖精神，鬼咁細既雞脾要切成五至八塊，舊大骨又話唔要。靚仔繼續好有耐性。

好！終於輪到我買啦！你估我買乜？呵呵呵，我一於，有樣學樣！叫佢要切到同個女仔要求既一模一樣。我都覺得自己好賤架啦，但我就無個女仔咁老鳳，揀雞脾既過程無咁嫌尖，而且勁多謝佢，唔該佢，總之勁賣口乖。 但佢切完d兩隻細雞脾，死，我發現份量好少，唔夠整蒸雞。哈哈哈，於是叫佢切多兩隻雞翼。佢最初聽到我話買兩隻雞翼，登到隻眼好大，我相信應該無人試過只係買兩隻！跟住我諗諗下，再又買d雞翼另一餐食都好喎。於是我話，我total買12隻雞翼，淨係有兩隻要切。

可能我又講過要買兩隻，後來又講買12隻，又話要切其中兩隻，聽到阿靚仔頭都暈曬。

佢聽極都唔明我講乜，我重覆左好多次，已經笑死左，佢自己又勁笑。後來佢終於明我up乜，照我要求切兩隻雞翼。但佢好唔明咁問：why do you want this?我有嘗試解釋因為雞脾唔夠，所以想加多兩隻雞翼，但可能墨西哥菜唔會切d雞一舊舊煮啦，總之佢好似唔明我up乜，只係繼續笑。佢個樣話比我聽佢見到天下奇聞：有人要佢切兩隻雞翼！

果然，我一買完，佢就同佢同事笑笑口細聲講大聲笑！

“you are taking about me??!!!”結果佢又再勁笑，我又勁笑。

p.s. 掛住寫呢篇野唔捨得去煮飯，今晚要好夜先有得開飯，老公大人唔好打我。=P買菜買到笑死人事件

今日聽到兩句金句：1. 我要為這些marginalized的人努力。2. 畀人嘅錢唔係唔用或者有多至畀架。

係美國bay area呢個有錢人既地方生活，有幾大既cultural shock……我想是好的，這就是我來美的目的，我想有異文化的體驗。不過shock之餘，我亦一再問自己，我要行一條乜野既路？掙扎既過程ok孤單迷失徬徨，但值得……而且必須掙扎下去!

i have a dream!

呢幾日我膽粗粗參加左教會既三日兩日既營會Women’s weekend，同50幾個媽媽一齊去玩。(50幾人中我只識2個人，而且係hi-bye-friend only。又，除左我，佢地最年青的都40歲左右，亦有好多70以上。突然要同一班唔同年齡層既白人媽媽用英文生活幾日，都真係要膽粗粗先敢去試！)個營會有好多開心難忘既野，但有一樣唔可以唔講。

話說其實個營會幾乎無program可言，有大量hea，一班女人吹水既時候。咁有一次我就law住本《親愛的爸媽，我是同志》係大廳度四圍招搖，然後見到個白人牧師Pastor Karen喎，就玩下佢啦，叫佢估本書係從左到右、打橫定打直睇之類。點知佢估錯曬，仲問左一個好得意既問題，佢望住d中文字：”Is this Mandarin? “我差D唔知點答佢。真係笑死我！

不過戲肉係我同佢講下本書既內容，又講到香港主流教會覺得同性戀好大罪呀，我好唔BUY呀之類之類，然後問佢：“Hey, how do you think about homosexual? ” 點知佢答：”You know, I am gay! “我真係嚇嚇嚇嚇到傻左！停左幾秒就連忙問佢佢既partner係咪係教會度，叫佢介紹我識。(一副超八既樣！)佢話係，不過佢partner返另一堂崇拜，我唔識。我真係好想下次就返8點個堂既崇拜！不過8點，真係好有難度囉！

後來終於搵左個機會，我認認真真同Pastor Karen傾左一陣密歇，例如話佢知呢一年既生活好唔容易，有好多孤單無助既時候，但佢既講道總是一道良藥，我好感激佢令我重遇基督；又講到同性戀的議題曾令我陷入極大的信仰掙扎等等。(所以佢話我知佢係gay我真係呆左，我真係無諗過我會搵到一間認同同性戀又咁有屬靈深度既教會，真係太奇妙啦！)其實我好傻呀，傾密歇之前我已經坐左係Pastor Karen隔呢，但佢同緊另一個人講野，跟住我就組織下點樣用英文講我想講既野啦，點知諗諗下我就勁百感交雜勁喊啦。呵呵，Pastor Karen一拐轉面開始同我傾，就見到我喊到豬頭咁啦。好彩佢無嚇親。

去完呢個營會，可以肯定的是，我的美國生活將展開新一頁。我聽日會跟一個教會70既媽媽去做義工呀，yeah!

Pastor Karen送給我的小玩意

口花花的我，見到執房的是靚女(真係好少有架，竟然靚過我。)，當然忍不住口要跟她吹吹水。阿儀是新移民。呵呵，這身份真親切，我也是新移民啊，美國的新移民。

“離了家，親人朋友不在身邊，一定不習慣，感到孤單吧。“一說到離鄉別井的話題，大家很快就有共鳴了。

“美國的物價是否很高？”
“的確很高，不習慣。”
“那麼怎麼辦？我覺得香港的物價已經很高了。而且在香港的壓力很大，在內地走路都慢一點。在香港生活真的很辛苦。”一語中的啊。這是很多人的心聲呢。
“美國人的工作效率是否很高？”
“當然不是，我幾乎可以肯定，全世界工作效率最高的是香港人。美國人做事很慢，我最初很不習慣，不過香港人就是太快了，工作壓力都很大！美國和中國在這方面比較相似。香港人，就是最不懂得生活。”

“你還這麼年青，就放棄事業了嗎？”
“怎樣說好，也算是有點犧牲吧，不過我現在也有做義工啊。”
“做女人，要為自己打算啊。我很早就結婚，因為很年青就離鄉工作了，很孤單，以為早點結婚，有一個家比較好。”
“你和先生關係好嗎？”
“一般吧。我們之間沒有愛情了。”
我說明白，這有點似我媽媽和爸爸的故事。嫁給香港人，同鄉都把這說成美事，其實有苦自己知。

她執拾完畢後，主動問我：”太太，怎樣稱呼？”
“叫我阿茵吧。”
她停了一停，我想她預計我會說自己是X太吧。
“很親切。”
“你呢？”
“阿儀。”

今晚有朋友來，我請阿儀替我多拿幾張椅子。阿儀拿椅子入屋時，望著我說：”阿茵，給你的。”嘩嘩嘩，佢真係叫我阿茵呀，好有FEEL呀！佢肯咁叫，即係當我係friend啦！great！(ok，我知道我可能係過份詮譯，但我鍾意發姣，唔得咩？)我馬上回了一句：”多謝阿儀。“加送一個四萬咁口既笑容。其實”阿茵”是湊大我的婆婆從小對我的暱稱呢。呵，我唔係比個個人咁叫我架。不過唔知點解，你比我既感覺好親切呢！

美國的生活其中一個令我深刻的體驗，就是當地的藍領階層都活得很有尊嚴，很自信。我相遇過的所有清潔工人、裝修工人、搬運工人，都從不會在客人面前表現得低聲下氣，大都是有說有笑，ok幽默。不過呢，今日同阿儀對話，佢就重複過幾次講自己無用呀，唔夠叻啊之類之類。這相信是不少香港新移民或低下階層對自己的看法吧。

呵呵，不過在美國，我看見另一個可能性。so, 阿儀，我當然唔會睇少你，但係亦唔會當你好慘，我地既關係好平等，i am阿茵，you are阿儀，that’s all!

這一天來得有點突然。

二月，我和宋先生經歷”小別勝新婚”，我第一次體驗一個人在美國的生活，一個人渡過農曆新年。思念的確是最美麗的距離。獨處的時候，我亦有更多空間跟自己好好對話，感覺很不錯。跟著宋先生回來了，我們間中吵架，但吵架過程非常惹笑，我經常說到一半，自己都頂自己唔順，笑左出黎，哈哈。我地越來越懂得好好吵架了，yeah~ 如何好好吵一場精彩又不傷感情的架(精彩是好重要的，精彩=對白精境=娛樂性高=緩和吵架的緊崩情緒=笑一笑世界更美妙=吵架而不傷感情)，的確是一門學問呢！二月份亦有不少挑戰，要go through它們並不容易，在未來的日子，我會繼續努力。放眼世界，離開自我，已成為我的座右銘。愛我的人要繼續守望我、支持我呀。不過要數二月份最最最驚喜的，當然係朋友仔來美國探我地啦！呢幾日渡過得比我想像中還要開心，真係快樂不知時日過呢。

然後，到三月一日了。Yeah!

得PK Chan同Marian的熱情款待，這個除夕夜的團年飯有著落，我覺得好warm呀！食完飯，PK Chan仲教我地睇通勝。我地用”諸葛神數”幫香港虎年的運程卜左支卦。支卦叫香港要勇往直前唔使驚喎！唔通講緊五區總辭，哈哈~有趣有趣！

卦文：

舟離在渡月離雲，人出潼關好問津。
且向前行去求住，何須疑慮兩三心。