2010/4/29

Women’s weekend是教會一年一度的活動。話說這教會沒有一般香港教會必備的團契呀小組呀,人和人之間的關係比較自然和隨心。營會有54人,但我只認識其中一兩個,而且完全不熟。最初的確有點孤單和不習慣,不過慢慢就好起來了,開始放鬆、投入。這是我第一次經驗在一個白人群體、在一個年齡層跟我完全不同的女人堆裡生活是怎樣的一回事。我的發現:感覺很不錯啊!

相簿:http://www.facebook.com/album.php?aid=205023&id=604056078&l=1ccd4ccc97

2010/4/27

讀中文系留下的遺憾,好像風濕病發作,不算很難受,但受一點刺激又再纏繞。都畢業這麼多年了,真的是時候來個了斷。我知道我的大學生活沒有枉過,不過如果還有遺憾,就還她血肉之身吧——不要做遊魂野鬼了,以後跟我一起好好生活。

我為那個最脆弱又最強壯的我而落淚。她何曾不想好好投入美國生活?勇於嘗試,重拾對世界的好奇心和對人對環境的信任?今天我終於積極點找些好玩有意義的東西在美國做,在外人看來這或許是理所當然的事,一年前初來美時就該如此。只是,我知道這每一步的背後要克服幾多重重的心理障礙。走到今天,並不容易,卻值得驕傲。我會繼續努力。我不會再是在人前是堅強成熟的我,在人後是脆弱的我,然後獨自承載哀傷、孤單與無助,對世界對人失去信任。我就是我,做原來的我,已經足夠。

http://www.youtube.com/watch?v=VVloPSghJcM

2010/4/26

呢幾日我膽粗粗參加左教會既三日兩日既營會Women’s weekend,同50幾個媽媽一齊去玩。(50幾人中我只識2個人,而且係hi-bye-friend only。又,除左我,佢地最年青的都40歲左右,亦有好多70以上。突然要同一班唔同年齡層既白人媽媽用英文生活幾日,都真係要膽粗粗先敢去試!)個營會有好多開心難忘既野,但有一樣唔可以唔講。

話說其實個營會幾乎無program可言,有大量hea,一班女人吹水既時候。咁有一次我就law住本《親愛的爸媽,我是同志》係大廳度四圍招搖,然後見到個白人牧師Pastor Karen喎,就玩下佢啦,叫佢估本書係從左到右、打橫定打直睇之類。點知佢估錯曬,仲問左一個好得意既問題,佢望住d中文字:”Is this Mandarin? “我差D唔知點答佢。真係笑死我!

不過戲肉係我同佢講下本書既內容,又講到香港主流教會覺得同性戀好大罪呀,我好唔BUY呀之類之類,然後問佢:“Hey, how do you think about homosexual? ” 點知佢答:”You know, I am gay! “我真係嚇嚇嚇嚇到傻左!停左幾秒就連忙問佢佢既partner係咪係教會度,叫佢介紹我識。(一副超八既樣!)佢話係,不過佢partner返另一堂崇拜,我唔識。我真係好想下次就返8點個堂既崇拜!不過8點,真係好有難度囉!

後來終於搵左個機會,我認認真真同Pastor Karen傾左一陣密歇,例如話佢知呢一年既生活好唔容易,有好多孤單無助既時候,但佢既講道總是一道良藥,我好感激佢令我重遇基督;又講到同性戀的議題曾令我陷入極大的信仰掙扎等等。(所以佢話我知佢係gay我真係呆左,我真係無諗過我會搵到一間認同同性戀又咁有屬靈深度既教會,真係太奇妙啦!)其實我好傻呀,傾密歇之前我已經坐左係Pastor Karen隔呢,但佢同緊另一個人講野,跟住我就組織下點樣用英文講我想講既野啦,點知諗諗下我就勁百感交雜勁喊啦。呵呵,Pastor Karen一拐轉面開始同我傾,就見到我喊到豬頭咁啦。好彩佢無嚇親。

去完呢個營會,可以肯定的是,我的美國生活將展開新一頁。我聽日會跟一個教會70既媽媽去做義工呀,yeah!

Pastor Karen送給我的小玩意

2010/4/22

4/4

back home la~

4/5

忘記背後,努力面前,向著標杆直跑。

4/7

真係好耐無jet lag咁辛苦,仲慘過病……仲以為自己已經係適應jet lag既高手,哈,太自大了~

4/10

stanfordarts museum睇中國水墨畫,又一次有被d藝術作品融掉既感覺,非常幸福啊!鍾意藝術,鍾意文學,就係因為只有佢地令我體驗到乜野叫忘我。當忘記了自己,只是被唯美的作品所包圍,果種快樂、安全、充實、滿足,難以言喻。^.^

4/11

今次返香港可以同大家一齊參加校祖日崇拜,真係好開心。我想以後每年都盡量參加呢個崇拜,作為我人生日誌中固定去數算恩典、回歸、展望的日子。我仲想第日帶埋tony同我既仔仔女女參加呢個每年一次既崇拜,同他們一起分享我生命中最大的喜悅同祝福。

4/11

Time flies. We have joined St Jude’s for one year! One year ago, I brought a load of doubts and fears to go back to church again. I am so thankful that all my doubts and fears don’t block me to follow Jesus today, though they are still here, I find that they are the greatest gifts in my spiritual journey. It’s a long long journey……

4/12

謝謝你們願意交出信任。

4/14

琴晚一口氣睇完《我的16歲援交日記》,爽!

4/15

呢幾個月讀唔成Spanish,要重新好好計劃生活。

4/20

剛和宋先生從大峽谷回來,流下了汗水和感情在山谷中,很幸福。旅程的第一天,家裡發了一些事。前面有不少挑戰,但也是一個機會讓我們全家一起去面對它們,讓新的經歷洗刷我們的記憶,令我們走得更近,更踏實,更有信心。我們要加油啊!

4/20

家門前的枯樹終於開始發芽了!

4/21

一張靚靚的從布拉格寄來的postcard已經被宋先生貼了堂!哈哈!

4/21

人可以從錯誤中學習,但不能避免犯錯。

NOW

我決定當自己從來無學過英文同無讀過中文系。

    4/2

    終於可以好嬲、哭得好痛苦,為自己說出沒有人可以為我見證,為我言說的故事情節。這段記憶不再空白,不再沒有血肉,”我”不再是別人的故事中的他者。

    4/5

    “有一天, 當你回來的時候, 我知道, 你已經不再害怕依賴, 而是因為有你的感情所在。”看到這句話,我的眼睛紅了。我開始沒那麼怕在電話中,在面對面時依賴朋友了。我回來了。謝謝信任我願意交出我的信任,並明白我的恐懼的你。

    4/5

    如果我地真係兩年後生B,而我又想自己湊佢(彌補自己成長的遺憾),嘩!咁我未即係最最最少係未來五年都唔會做事業型女性!我突然發現我真係可能會做好耐師奶喎!真係估自己唔到……雖然我亦唔排除會宋生做住家男,或其他N種可能性,有趣有趣~

    4/9

    想輕鬆快樂生活,真係話易唔易,話難唔難。美國生活的挑戰,總是比我想像中大。回來幾天,已經有很累人的感覺。我能振作嗎?

    4/10

    呢幾日,處於depression狀態,我既內心同自己打左一場又一場既仗。我既心不斷試探我既底線,睇下我係咪真係比佢有哀傷既權利,承認佢過去既冤屈、傷痛,接納佢既脆弱。我覺得我無令佢失望。真係恭喜兩位。

    4/14

    真係好需要休息,個心受唔到起伏,exhausted

    4/15

    又比高人串到一棟都無

    4/15

    我地去大峽谷玩四日,唔使掛住我地,歡迎羨慕加妒忌,哇哈哈!

    4/21

    因為鍾意劉若英,買左一套佢做主角既內地劇集《新結婚時代》。本來買碟為左捧偶像場,估唔到套戲真係好好睇,劉若英做戲果然好有feel。套戲入面演劉若英阿媽既外科手術醫生,仲好鬼似Kris添,哇哈哈

    NOW

    我要人讚!呢幾日:一、報左3個興趣班:太極拳、水彩畫、陶瓷。二、四處找途徑做義工。三、跟tony練翻車。四、後日同50幾個教會既媽媽(全是我唔識既人)去women’s weekend(一個三日兩夜既camp)。五、主動約美國朋友去玩

    2010/4/15

    有一家人去餐館用餐,女服務生來了之後,家長先點了菜。

    他們5歲大的女兒接著也大聲點了自己想吃的:”我要熱狗、薯條和可樂!”"哦,你可不能吃那些。”爸爸插話了,並轉頭對女服生說:”給她肉卷、馬鈴薯泥和牛奶。”

    女服務生微笑地看著小朋友,說道:”那麼,親愛的,你的熱狗上面要加什麼呢?”

    她走開後,全家人目瞪口呆地坐在那兒,啞口無言。過了一會兒,小女孩眼裡亮晶晶地說道:”她把我當成真的人呢。

    –節錄自《全然接受》,這是書中轉述《心靈故事》中的一個故事


    本站使用 WordPress 架設
    Entries (RSS 2.0)
    Comments (RSS 2.0)



    本站內的所有原創內容均按照「創用‧姓名標示」條款授權公眾使用。詳情請參閱條款說明