Life . HappensTo . Be » 2010

2010/1/7

突然諗不如返香港後繼續教書，不過我想做0.5的老師，咁樣我會比較有空間做我真係想做同覺得有意義既野，例外編多d針對到學生需要的課程、教材，多d關心學生等等。我覺得自己教書既路未行完，而且我ok鍾意教書。

坦白講，出黎教書頭幾年，我覺得自己教得ok差，因為達唔到對自己的要求，有時都幾自卑。不過有賺既，係我大概摸到乜野路係行唔通，亦學識同同事相處時邊d位要妥協，在人事問題應該點樣保護自己等等，另外亦學識點樣偷懶，要對自己好d嘛，哈，否則包你遲早做老師做到跳樓！

我是一個好重視以學生為本既老師，高度的彈性本應是我的強項。不過一黎因為當年狀態好差，加上自細係乖學生+未真正見識過反叛青年的厲害之處，其實教果幾年書都係處捱打狀態，能夠做”不倒翁”，剩下半條人命都未辭職已好難得，但自知未真係發揮到自己。

2010年，我不斷提醒自己既係I have a dream！經過2009年，覺得休息得ok唔錯，復元進度幾理想，宜家開始好想重新出發！不過我預計左仍會跌跌碰碰，我會學唔心急，沉著應戰。坦白講，我都幾自大，有時覺得自己渾身是豐富的內在資源，但未發揮出黎！我覺得係時候智勇雙謀咁重新上路啦~~ 我會做一個越黎越型既pantene仔！yeah！I have a dream!

–以此作為2010的第一篇facebook note，提醒自己兼為自己打氣，yeah!

Pantene‧回家 | 10:11 am | 赤裸程度未必係你接受到！

2 個回應

2010/1/6

選擇

你已捱過了上斜的一段, 還是正準備倒轉身下行?

***

我的答案：捱得很累，快要放棄……還是會繼續走，期待找到垃圾站。

Pantene‧回家 | 6:01 am | 閱讀途上

按此回應

有關網站