2009/10/19
這次回港,我和朋友經常出現的對答內容: 

“你在美國忙什麼?”

“沒什麼,就是每天呆在家幾句鐘,望望露台旁的楓樹的葉子何時變色,何時飄落。”(99%的朋友都被我這個答案吹得發漲了。哈!)

經過一個月的小別,我回家第一件就事是探望這位朋友。一打開窗簾,走出露台,我好興奮呀!

SEE! 變紅啦變紅啦!好鬼靚呀!(不過現在很多葉子還很翠綠,相信遲d會更靚!)

好喜歡這個回美後遇上的第一個驚喜!

2009/10/7

唔知點解以前係d朋友堆之中,我會漸漸走上”神抬”的位置?(唔通宜家真係肥左好多上唔翻去?)當人地面對痛苦困難,我會有好多廢話指指點點,又覺得好多野可以做,一日到黑扮救苦救難的菩薩,結果嘛……

呢兩個星期返黎香港,meet左好多朋友,超級開心。宜家嘛,我最開心既唔係可以係朋友辛苦無助時幫到大家d乜,坦白講,宜家基本上除左聽,我係乜都唔會做/唔識做。以前係美國,我尚且能夠講到一d廢話,好似比到多d反應大家,宜家面對面見你地,我只想可以聽到你地講多d,講多d。哈哈,朋友仔話我好似做緊口述歷史。不過當我更清晰知道你地,以至你地既上一代、上上一代,係點樣一路走過黎,我感受到份痛有幾深,但亦驚訝你地點解可以依然完整無缺(最少表面上)出現係我面前。所以嘛,我無乜野需要講lu,u are already good enough! , “和你在一起”就好夠lu。

好多謝好多謝你地對我既信任,可以做你地既朋友,係我既福氣!不過唔好以為我話我乜都唔會做/唔識做係好灰。岩岩相反,我只不過唔再走上神抬姐,因為你地根本唔需要一個菩薩幫你嘛!不過我自問係唔錯既朋友,大家有乜困難,開到聲,一定幫!幫唔到就陪你一齊喊!

yeah!友誼萬歲!


本站使用 WordPress 架設
Entries (RSS 2.0)
Comments (RSS 2.0)



本站內的所有原創內容均按照「創用‧姓名標示」條款授權公眾使用。詳情請參閱條款說明