2009/3/27

我的心平靜下來了
回家的感覺

用心好慢好慢地閱讀
坐在露台望著天發呆
與遠方的朋友家人輕鬆交流分享
與這邊的朋友開展新的友誼
買菜煮飯與老公共聚天倫
騎一架單車傲遊(沒寫錯字)天地
學習寫作讓思緒胡亂爆炸
享受做個最無實用價值的少奶奶

生活的味道

如我所信
肉身的距離不算什麼
遠或近在乎一心
短短十來天
我們已經做到了
以後只會更加好

這一次
我不要再只驚覺幸福的近
我要讓幸福在家裡走走坐坐躺躺臥臥睡睡吃吃跑跑
天天任意任意放放肆肆
我相信可以
我相信可以

2009/3/25

今晚宋先生的美國同事約了我們去溜冰啊!

想不到美國溜冰挺便宜,7元美金兩小時。
溜冰場的冰很乾,遠比香港的還要滑。
最初我完全不能平衡,在場內大叫!哈哈!
宋先生好厲害,溜得很快!
美國的同事很貪玩,他們竟然在玩捉迷藏,宋先生也一同玩
我則在場邊慢慢練習,終於由要扶著慢慢爬,到一步一步龜速地慢行,到後來有點像溜冰了!

我的目標是可以很快跟他們一起玩捉迷藏!

***

今天早上我陪宋先生一起騎自行車上班。
在馬路上騎單車呀,好驚!
最慘是我未懂駕車,不懂交通規則。
何時轉彎,何時轉線,何時離開單車徑行車路……真的搞到我好頭恨!
美國單車速度好快(所以亦好貴),我相信是接近專業單車的一類,在香港從未試過經驗這種速度!
究竟有幾快?
Well,在香港我是可以在任何速度按煞車制,雙腳觸地,就安全停車。
但我們買車試騎時,宋先生在高速中突然按煞車制,整個人飛了出車!(嚇到我死)
我則在轉急彎時,車速太快控制不了,自己跳了出車!
不過試車時有這經驗也好,使我之後會步步為營,意識到:係美國踩單車真係可以死人嫁!

朋友說了兩句精句,值得一記:
1.你離香港遠了,卻離黃金寶近了!
2.咁講,美國既單車即係原始的電單車啦!

今天是我第二次在馬路行車,宋先生則已騎了n次,因為他要騎車上下班。
但唔知點解,理應好熟條路的宋先生竟然帶錯路,忘了轉彎,我們走了一大段冤枉路。
他最後遲大到,哈哈!
我則在一段暗斜的路上,忘了轉低波。
真的是舉步艱難,累死我了。
看來我也是傻人!
兩個大傻瓜,well,都幾襯既=P(感情是露了點,不用毛管動)

***

下午我找關於租屋的資料,上網呀,打電話呀,上街亂逛看看有沒有出租廣告呀;算是忙了一天!
這幾天不停與美國人接觸,開始習慣用英語和他們對話了。
我發現他們打電話時很喜歡說很長的開場白,說一堆問候語,介紹自己,說明致電來意等等,今天我就極力模仿:

「你好!
我的名字是潘婷,即洗頭水。(笑著補充這一點)
我現在在路上。
啊……啊……
對,我正在找住的地方。
是的……
我看見,看見你們的廣告牌,在,在路上。
是你們的嗎?
你們好像在出租單位……是嗎?
請問,不知道,是否可以告訴我有關詳情?」

當然我的英文不是很流暢,語法也不大正確,但今天就這樣一口氣說呀說,扮個地道的人。
原來效果很不錯的,最少我自我感覺良好,現在的對話終於是我做主動,而不像是犯人被對方審問,哈哈!

****
期待更多有趣的事繼續發生。

2009/3/16

離開前的一天,到 Karaoke 回味了許多動人的歌曲。突然發現,我們渴望的,原來是童話世界。

去吧!迎向我們的童話世界!

《就算世界無童話》 詞:林夕

望向每雙率真眼睛
似看到最動人風景
沒有嘈音只得笑聲
散播到最遠的山嶺

在這世間分享晚餐
有重擔有萬人分擔
沒有染污的晚空
會看見遠方的花瓣

ah…… why i smile
cos you make me smile

如所有錯失都得到寬待
如計較會被換成慷慨
如純良仍然能被記載
孤苦的得到理睬
這可算妙想天開

願這世界如童話
抱著想像實現它
就憑摘星的手臂
為地球每夜放煙花

就算世界無童話
放下包袱完成它
就來學攀山者有心不會怕

如所有苦衷都得到體諒
如佔據會被換成分享
如捱窮仍然能被敬抑
挑剔的懂得讚賞
呼吸會更加清香

若你我他一起唱歌 這世界會動人得多
任你我他相差再多 仍然能同座

2009/3/2

回應朋友的創作《我寫廣東話,你係聽唔明定睇唔明呀?》

超級有同感,完成講出我點解永遠都唔會做到一個好既中文老師同埋無動力學好d英文。

我從心底無乜興趣教學生寫規範漢語、讀正音、考好個試etc……連教佢遵守某d仁義道德都無乜興趣……但我又好介意d學生唔尊重人、睇唔起人、無品……只可惜佢地做左呢d最乞我憎既野時,我又唔習慣同佢講道理,因為我從心底裡覺得無乜道理(核心價值)係絕對既,要教佢處境化咁愛人嘛?對初中生黎講未勉太深lu……結果我就永遠谷住谷住,教學生知識同教佢地做人都教得好辛苦……而且經常寫錯字、讀錯音,有大把笑柄比學生笑!有時被佢地笑到覺得自己好唔掂,好無自信……我估點解現實世界中既李小姐成日講自己唔適合教書,都係呢個原因。

呢排就黎去美國,阿媽+好多三唔識七既人經常會叫我學好d英文,我一聽到就把起火(但又覺得自己無資格反駁,因自覺自己既英文真係好差),我好想同佢講點解要學好英文。我d中文好好,我連認識中文世界都唔夠時間,點解要學英文?!又好多人叫我去美國教普通話,我好想講我無興趣教。我既母語都唔係普通話,有大批講普通話既台灣人同中國人可以教得好過我,點解要我教普通話?!

不過呢,好諷刺咁,最近我買左好多學英文同普通話既書,甚至迫自己睇英文電視、睇英文書、用英文寫野,因為現實話比我聽我去到美國同人溝通唔到我會好自卑,我見到其他同我地一齊去美國既香港人d英文好好我亦會好自卑,我唔想去到美國勁要個老公照顧我(老公英文比我好),我亦驚我唔學好普通話去到美國無其他工做到……

但係我可以好肯定,果d勁唔明我點解教書教得辛苦,家下又會叫我要學好英文同普通話既人,完全唔係我杯茶!!一d都唔明我!!我地係生活係兩個世界既人,佢地好受主流世界所謂既「成功」同「應該」規限,但我唔受……我唔想同佢地溝通……你地收聲就夠曬數!!(不過我最無用既係對住佢地我會好自卑,因為我英文同普通話的確唔夠好,「增價」得唔夠多……其實講到底我又唔係咁清高,我始終介意其他人點睇我)

現實中既李小姐,係大學生,依家d英文亦好好,或者文中既李先生會有d睇唔起李小姐既妥協,覺得佢無骨氣。又或者,其實係掉翻轉,文中既李先生羨慕現實中既李小姐,因為佢有能力好好生活,最少唔再比人睇唔起……就好似我家下好羨慕你既英文咁鬼好!!!


本站使用 WordPress 架設
Entries (RSS 2.0)
Comments (RSS 2.0)



本站內的所有原創內容均按照「創用‧姓名標示」條款授權公眾使用。詳情請參閱條款說明