家姐，養足精神，明天就是你和小虎女的大日子了！
小虎女，你的降臨令我又興奮又雀躍又期待！
未出世舅母已經錫曬你啦~ =)

原來家就是這個意思，親情建立了就是建立了。
親厚堅定的親情比什麼血緣關係都更重要，亦能義無反顧面對家庭中的一切風風雨雨，沉重卻又輕省。

Dear Lord, please give me……
A few friends who understand me
and yet remain my friends.
A work to do which has real value,
without which the world
would feel the poorer…..
A mind unafraid to travel,
even through the trail be not blazed
An understanding heart…..
A sense of humor,
Time for quiet, silent meditation.
A feeling of the presence of God.
And the patience to wait
for the coming of these things,
with the wisdom to know them
when they come.

- W.R. Hunt

看了一個下午香港的新聞。

***

鄭家富退黨。
他多次私下感嘆，在黨內是少數聲音，對從政也有點意興闌珊，估計他退黨後， 2012年也未必會再參加立法會選舉，鄭家富昨晨出席商台節目時表明，他退黨後不會加入其他政團。

涂謹生自困會議室。
黨團會議結束後涂神情凝重，對於記者的提問一概不作回應，並即時走入一間會議室沉思，長達個半小時後才離開。他離開時被傳媒包圍，依然未有公開回應提問。

何俊仁堅持走前門。
何俊仁選擇從立法會正門步出，說要直接面對群眾，面對民意。由黨友張文光帶頭，何俊仁、涂謹申、甘乃威一起踏出立法會正門，黃毓民、李卓人結伴護航。部份示威者一見何俊仁，即衝前追擊，向他高呼「民主黨可恥」、「民主黨回頭是岸」，有人向民主黨議員擲膠水樽，擲到張文光的腳前，也有人擲陰司紙和「超錯」貼紙。黃毓民事後向記者表示，很佩服何俊仁的勇氣，即使彼此政見不同，也決定為他開路，希望他能安全離開。

劉慧卿選擇面對那些人，迴避那些人。
當卿姐步入立法會大樓前，破天荒獲「撐政改」的左派團體歡呼迎接，雙方更和氣握手。晚上離開立法會，副主席卿姐一開始已選擇在後門停車場離開，沒受追擊。

李卓人、湯家驊哽咽。
李卓人眼泛淚光，點名指長毛「欠華叔一個道歉」：「華叔為香港民主、為中國民主負責任，點可能到佢家患上癌症時，話佢癌症上腦？點解自己人要鬧自己人到咁地步？」李卓人更為民主黨平反：「就算今日我唔係太認同民主黨意見，但絕對唔會話民主黨唔係自己人；我對佢哋絕對有信心，絕對唔會話佢哋係出賣民主；民主黨嘅朋友砌咗 20幾年，邊到有人會想衰收尾？」湯家驊也語帶哽咽：「無論你點睇都唔應該以佢嘅病態作為批評佢嘅基礎」，「你指摘佢（華叔）係背棄民主，出賣港人，係對佢最終極嘅侮辱。」

長毛堅持不道歉。
梁國雄離開議事廳時，承認私下曾向朋友說司徒華是「癌病上腦」，但強調不會道歉，指華叔與民主黨亦曾對社民連成員作出人身攻擊，「我唔會再當司徒華係朋友」，但表明不想華叔因患病離開人世，他說：「如果我想佢死，又點會推薦個好醫生畀佢？」

***
謝謝你們都沒有交樣板戲給市民，都流露了真性情。又突然想起了余若薇在辯論時的音容笑貌。這一幅民主派人士的眾生相，令我莫名感動。(除了劉慧卿，唉，你……去死啦。)香港這樣的政治環境，絕對不是培養政治人才的好地方，但這年來議會生態的轉變，人民力量的抬頭，你們真的功不可沒，謝謝！香港人，繼續努力呀！

***
我曾經以為我一定不會再參加任何社會運動，對於群眾(esp. 基督徒)對不公義的冷漠，我真的嚇怕了，心死了。沒想過，來美後的這一年多，香港的社會生態會出現這麼大的變化。每次看著大家在努力抗爭，身在異國的我都以為自己是現場的一份子。感覺跟我城從未試過的親密。一次比一次親密。我那曾死過的心，現在真的很受安慰。兄弟，唔好停，繼續上！

p.s. 公投後我一度好傷心，好朋友還很認真說她的移民計劃。按常理，我不反對人移民，亦不認為任何人對出生地有愛之守護之的道德責任。不過那一刻，我真的很難過。我說：作為朋友，我不想你走。真的，我真的很怕你們會走。沒有你們，就沒有我們那火紅的大學年代。爭取公義，亦不會成為我生命中如此核心的一部分。你們成就了今天的我。或者我們的心都曾經受傷，但請不要走，我們繼續抗爭，繼續堅持我們的夢，好嗎？(身處美國的我說這番話，實在太怪了！我自己明明走左……又，Jack雖然宜家係香港，但佢已經比美國收賣左，一心以後同美國既妹妹仔玩唔同我地玩啦，大家趁見到佢就打多佢幾下啦。)

很喜歡朋友的這番話，說出了我這段日子的心聲。

“自由，意味著要對自己負責，失意沮喪也無法埋怨別人或命運，這責任的份量之重，有時令人很害怕。

也許是多年束縛下無法成長的自我，也許是缺乏承擔失敗的勇氣，得到自由，卻不知道自己要做甚麼，也不敢去做甚麼，彷彿被一雙無形的手拉著。

在這段時日不短的自由狀態下，終於明白到，要選擇自由，便要先承受失去重心的迷惘和痛苦，只有捱得過這陣痛，不斷尋索，才能走出自己的路。

我不斷提醒自己，可以歸咎原生家庭parenting模式的時日不多了。”

十萬年無睇過香港既電視，點知……先唔好講比dCCTVB既低B反智劇集激死，最火滾係見到幾次個政府宣傳政改既廣告！妖，你自己有錢有權，就可以SELL你果套，咁點解宣傳公投既片從未係電視播過呀，妖，我睇到好火呀。查實火，係因為公投結果令我有好多感觸，一發不可收拾。我同老公講：”好火呀，你都係申請美國綠卡啦，我地移民啦！”但其實識我既人都知我根本就唔鍾意美國，我係無可能會移民去美國架。個死人老公就係度叫我POST呢句說話去FB，妖，喂呀，你明知我講緊反話架嘛，你仲激我，火上加油：”哼！憎死個政府，我決定唔沖涼，唔刷牙！”(老公岩岩沖完涼，刷緊牙。)”咦，好喎！你就公民抗命，唔刷牙唔沖涼，直至有真普選啦！”佢開始HIGH左：”其實唔好話50萬人咁樣公民抗命法，有5萬人日日唔沖涼唔刷牙，個政府都死。”嘩，宋生把口做乜突然咁強呀！既然係咁，我去沖涼先啦~

p.s.本來諗住今次神秘回港，不過呢幾日係香港既生活令我有太多感受啦，唔再講下廢話我就黎爆。朋友仔，今次回港我沒空見任何人，有事忙，請諒。

今日聽到兩句金句：1. 我要為這些marginalized的人努力。2. 畀人嘅錢唔係唔用或者有多至畀架。

係美國bay area呢個有錢人既地方生活，有幾大既cultural shock……我想是好的，這就是我來美的目的，我想有異文化的體驗。不過shock之餘，我亦一再問自己，我要行一條乜野既路？掙扎既過程ok孤單迷失徬徨，但值得……而且必須掙扎下去!

i have a dream!

“唐安琪：「呢個世界無醜樣的女人，只有懶惰的女人」。你都係要賺錢啫，唔洗講啲咁濺格的說話吧…..

怎麼是醜，怎麼是美? 是誰有權作決定的? 根據怎麼的原則?為何長得美，這麼重要，而且是越來越重要? 長得不美，又如何? 點解不美，就是懶惰? 變成一個道德問題? 是誰在生產這種審美的論述? 在要變得合乎主流社會的審美觀的過程中，怎麼人要付出怎麼代價? 誰得益了? (很明顯唐小姐，是得益者之一)。誰在強化這種要美的論述? 為什麼?我看美不美，不是一個勤力懶惰的問題，而是一個階級的問題。”

震音在面書寫的，非常認同！如果你真係試過好窮，你著既所有衫都係人地比既，你d朋友會追求好多靚野但果d永遠唔會係你擁有，果d牌子既衫呀護膚品呀你都唔識，有人問開呢d野你會有d自卑……你會習慣去理解美既追求係奢侈既，唔係你既身份認同既一部分…..仲有多一樣，由細到大無人讚過你靚，只會話你醜樣、輪盡、leung、無taste…...你會好努力hide你唔care自己靚唔靚囉。呢個固然係我既故事，但我相信好多貧窮環境大既人都有類似既經歷。

睇世博既新聞同D人係FB既評論睇到嬲嬲地！但我唔係嬲D中國人喎，係秩序唔好，D人排隊取中國館既飛時係好迫係好燥，但咁又點姐？外國D人睇波都係咁架啦，未由大家心急下、迫下、燥下囉(係辛苦D工作人員囉)，我覺得今次D世博工作人員對D群眾算幾好，幾有品，如果平時做官既或大商家，都係咁樣對平民百姓，就功德無量LU。

咁義工整爛亞視記者部攝影機件事，坦白講，我覺得個亞視記者態度都好差，而且當時真係好迫呀嘛，亞視記者企果度係真係會阻住人流，咁義工叫極你都唔走，你亦都好唔通情達理姐！人地又唔係唔比你採訪，係叫你唔好係果度企姐，你未合作下囉。咁最後個義工燥左用暴力係好明顯有錯，咁最後當局都交比公安處理啦，咁都幾FAIR姐。我唔覺得件事係好似有D人係FB講咁，今次中國人出曬醜之類之類，首先亞視記者唔係岩曬，同埋今次安排記者同義工一齊去見公安喎，難得既法治精神呀！

另外，我好Q嬲頭先睇新聞受訪D歐美遊客，有個係度話中國D民眾咁樣迫唔掂，然後最後就得出結論：這就是中國。喂，你都幾快就得出個結論架喎！有個就更唔掂，個鏡頭直接影佢同D義工溝通既實況，你問義工有無一D安排，但義工說：NO，佢就話個義工唔應該對GUESS講NO，應該要好婉轉講得好好聽好客氣既說話。佢對個義工既態度好差囉。痴線，人地直接答你NO，有乜錯！喂呀，我係美國好多野都唔慣啦，我係香港去ACTIVATE一張信用卡，幾分鐘就得，但係美國就因為D人有好多好婉轉既話帶我遊花園，做野效率又慢，又多固定既唔FLEXIBLE既無聊程序，結果成日一搞就一粒鐘。但呢D係文化差異呀嘛，你地一個二個帶住自己果套去品評人地既文化，係咪亦好霸道呢。

我唔係話今次世博搞得好好，但我覺得D批評者既聲音未免太有自己既一把尺，我最憎D人用高高在上既態度去品評同自己唔同既文化。

睇完二十六集既《新結婚時代》，非常正！有邊個想睇快d出聲，下次返香港我送比你！

婚姻的確不單是愛情飲水飽，兩個人，三個家庭(自己的、各自原生家庭的)一起生活，一起過日子，面對的是一堆生活瑣事，兩個人(三個家庭)的生活方式、步伐、價值觀的不同，終歸會如實反映出來；能否在矛盾中走過來，是很寶貴也很困難的一課。

睇到最尾幾集，我喊到阿媽都唔認得。面對自己也不想接受的自己的缺點、過犯、疾病、限制已經很難，當這又會連累著另一半及另一半的家人時，其實都是一重又一重對這家庭的重大考驗，考驗大家的愛(夫婦之間、父母子女兄弟姊妹之間、父母兄弟姊妹與女婿/媳婦之間，及由此所形成的網狀關係等等)到底有幾深，願意為對方放下自己的期望和改變自己有多少。當然吧，這也是一場個人的內外爭戰，你的過去你的脆弱根本沒法隱藏，只可以勇敢地接受和面對，為了自己，更是為了兩個人，三個家。(還有，有了孩子，就更不單是兩個人了。)