2011/1/29

琴日同信仰立場唔同既中學師妹(christian, 職業為pastor)傾同志議題既野,勾起果d好痛苦既記憶。(cufes/iccf年代,同u-fire”抗戰”既經歷。actually u-fire班人,好些學生領袖、導師,係我中學團契既好朋友同mentor )我成日同人講,覺得自己經歷過小型文革。當你要為左你既信仰立場,站在講台上同你重視既家人朋友對峙、互罵時,果種感受真係畢生難忘。

同志議題係我近十年最關注的議題之一,作為一個尋道者,我的信仰立場經歷多番轉變,在我看來,固然是越來越走近”真理”,但我更確定的是,沒有人擁有真理。

講真,我真係無興趣係信仰立場上同你有d乜野辯論。基督教界唔同宗派唔同立場既人士,寫左大量關於同志議題既書同文章,如果你係持開放態度,有大把人可以同你傾,有大排野比你學。

另外,我既經驗係,所有形而上既討論都係廢既。講咁多,都遠遠不及你同d有血有肉既同志交朋友。我宜家身邊有好多同志朋友,其實如果你無親身接觸過佢地,你就帶住大量自己既前設去批判呢班人,係咪好不知所謂?

仲有,我同你講,性/別身份認同係好複雜既一樣野。除非你將自己放係呢個議題以外既抽身角度去理解一切,如果唔係,可能有一日你都會親身經歷自己既性/別流動性。be open la, 性/別既野,好好玩架!唔好咁快以為自己好了解人性。人性係奧秘,你只可以去經驗,唔可以去定義。

其實我只係想問我既小師妹一個問題:今天我的信仰立場跟你截然不一樣,很可能永遠都不一樣。你還愛我嗎?如果我不願意”悔改”,我仍然會堅決站在我的立場的一邊,我還是你的朋友嗎?抑或我只能夠成為你的敵人?如果你還愛我,你就去好好實踐你對他們——在你看來處於”屬靈的黑暗中”的同志群體的愛吧。只有你願意不去征服和改變他們,你才有資格談愛。


本站使用 WordPress 架設
Entries (RSS 2.0)
Comments (RSS 2.0)



本站內的所有原創內容均按照「創用‧姓名標示」條款授權公眾使用。詳情請參閱條款說明